अहिले नेपाल कोरोनाको महामारीसंग संघर्ष गरिरहेको बेलामा लकडाउनका कारण बर्दियाका ब्यापारीहरुलाई प्रत्यक्ष असर परेको छ। व्यापार ठप्प भएपछि व्यापारीहरू धराशायी बन्न थालेका हुन । लकडाउन फितलो भएर बिहान १० बजेदेखि दिउँसो ४ बजेसम्म बजार खुल्ने निर्णय गरेता पनि व्यापार भने शुन्य भएको ब्यापारीहरुको गुनासो छ । त्यस्तै सार्वजनिक यातायात नखुल्दा पनि ब्यापारमा प्रत्यक्ष असर गरेको ब्यापारीहरु बताउँछन् । साथै लकडाउनमा स्थानीय प्रशासनले सुर्तीजन्य बस्तु र मदिरा बिक्रीवितरणमा रोक लगाउदा मदिरा ब्यापारीहरु झनै मर्कामा परेको र बैंकको ब्याज समेत तिर्न गाह्रो भएको मदिरा ब्यापारी अनिता गुरुङ्गले बताइन् ।लकडाउनमा पसल खोले पनि ग्राहक नभएको उनिहरुको गुनासो छ। व्यापार हुने बेलामा बन्दाबन्दी भयो अहिले बर्खामा ब्यापार नहुने र समान ल्याउन पनि नसकेको रेडिमेट ब्यापारी कृष्ण मैनालीले बताए ।
उनले ब्यापारीहरुलाई पसलको भाडा र बैकको व्याज लगायत घर भाडा समेत तिर्न सक्ने अवस्था नभएको बताए ।उनी मात्रै होइन उनी जस्तै अन्य व्यापारीहरू पनि कोरोना कहर र लक डाउनको मारमा छन् ।
लकडाउनका साथै नाकाहरू पनि बन्द भएका कारण व्यापार व्यवसाय हुन नसकिरहेको व्यापारीहरू बताउँछन् । नाकाहरू बन्द भएका कारण पनि व्यापार व्यवसाय हुन नसकेको अर्का व्यापारी अफजल अलिले बताए ।
लकडाउले गर्दा कतिपयको रोजी रोटी खोसिएसँगै ब्यवसाय पनि संकटमा पर्नेमा दुइमत नभएको ब्यापारीहरु बताउँछन् ।
