राष्ट्रिय स्वतन्त्र पार्टी (रास्वपा) का सभापति रवि लामिछानेलाई अनुसन्धानका लागि म्याद थप्न बिहीबार अदालत लगिँदैछ।
सहकारी ठगी र संगठित अपराध अभियोगमा पक्राउ परेका रविलाई अदालतले गत आइतबार दिएको समय आज सकिन लागेकाले समय थप माग गर्न अदालत लैजान लागेको हाे। लामिछानेलाई कात्तिक २ मा काठमाडौंबाट पक्राउ गरेर पोखरा लगिएको थियो।
जिल्ला अदालत कास्कीले आइतबार उनलाई पक्राउ परेको दिनदेखि गणना हुने गरी ६ दिन हिरासतमा राखेर अनुसन्धान गर्न समय दिएको थियो।
कास्की प्रहरीका प्रवक्ता डिएसपी वसन्त शर्माका अनुसार अदालतले दिएको उक्त समयमा अनुसन्धान र बयान पूरा नभएकाले म्याद थप गर्न लागिएको हो।
