बर्दियामा कुल ३२९ संक्रमित मध्ये २०२ जनाले कोरोना जिते

बर्दियामा कुल ३ सय २९ जना कोरोना संक्रमित मध्ये २ सय २ जना कोरोना जितेका छन । पछिल्लो समय स्वास्थ्य कार्यलय बर्दियाले दिएको जानकारी अनुसार विहिबार थप २ जनामा कोरोना भाइरस संक्रमण पुष्टि भएको छ । २ जना संक्रमित थपिए संगै कोरोना संक्रमितको संख्या ३२९ पुगेको हो । जसमध्ये ६२ महिला र २ सय ६७ पुरुष रहेका छन । स्वास्थ्य कार्यालय बर्दियाका प्रमुख गोकर्ण गिरीका अनुसार विहिबार राजापुर नगरपालिका र मधुवन नगरपालिकाका १। १ दुईजनामा कोरोना भाईरस संक्रमण पुष्टि भएको हो । भेरी अस्पताल नेपालगन्जको कोरोना प्रयोगशालामा गरिएको परिक्षणमा २ जनाको नतिजा पोजेटिभ आएको प्रमुख गिरीले जानकारी दिए । बर्दियाको राजापुर नगरपालिका वडा नम्बर १० का २० बर्षका पुरुष र मधुवन नगरपालिका वडा नम्वर ९ का २१ बर्षका पुरुष रहेका छन ।
यस्तै कोरोनाकै कारण बर्दियामा १ जनाको ज्यान समेत गइसकेको छ । जिल्लाका विभिन्न आईशोलेसनमा ५० जना उपचार गराई रहेका छन । बर्दियामा कुल २ सय २ जनाको नतिजा आउन बाँकी रहेको छ । बर्दियामा हाल सम्म ८ हजार ८ सय ६ जनाको पिसिआर विधि मार्फत परिक्षण गरिएको छ ।