४ माघ २०७७, आईतवार

ताजा खबर

हिउँदमा केटु हिमालको सफल आरोहण गर्दै नेपाली टोलीको नयाँ विश्व कीर्तिमानबलियो पुर्बाधार निर्माणका लागि बबईमा डकर्मीलाई तालिमप्रतिबन्धित मदिरा विक्रि वितरणमा बृद्धि, प्रहरी प्रशासनको ध्यान गोरु र केराउमादाहाल–नेपालले काम गर्नै दिएनन्दाहाल–नेपालले काम गर्नै दिएनन्फोन ट्यापीङ्: नेपालमा सरकारले कसैको फोन कुराकानी रेकर्ड गरेर सुन्न सक्छ?यमन: प्रधानमन्त्री र मन्त्रिपरिषद् सदस्यहरू माथि गरिएको आक्रमणमा कम्तीमा २२ को मृत्युकोरोना भाइरस नेपाल: नेपालमै भाइरसको नयाँ प्रकार जन्मने खतरा टडकारो रहेको विज्ञको भनाइसंसदीय दलको नेता बनेपछि प्रचण्डले भने- प्रतिनिधि सभा पुनर्स्थापना गरेर सरकार बनाउँछौंसंसदीय दलको नेता बनेपछि प्रचण्डले भने- प्रतिनिधि सभा पुनर्स्थापना गरेर सरकार बनाउँछौं

दाहाल–नेपालले काम गर्नै दिएनन्

   १६ पुष २०७७, बिहीबार १०:०१ प्रकाशित

प्रधानमन्त्री केपी शर्मा ओलीले पुष्पकमल दाहाल र माधवकुमार नेपालले काम गर्न नदिएकै कारण प्रतिनिधिसभा विघटन गरी नयाँ जनादेशमा जाने निर्णय गर्नुपरेको बताएका छन् । नेपाल कम्युनिस्ट पार्टी (नेकपा) का अध्यक्षसमेत रहेका प्रधानमन्त्री ओलीले बुधबार बबरमहलस्थित कार्की ब्यांक्वेटमा सुदूरपश्चिम प्रदेशका कार्यकर्ता भेलालाई सम्बोधन गर्दै यस्तो बताएका हुन् ।

दाहालले सधैं सत्ता र अर्का नेता नेपालले सम्मान मात्र खोजेर सरकारलाई काम गर्न नदिएको आरोप लगाउँदै ओलीले प्रतिनिधिसभा विघटन गरेर निर्वाचनमा जाने आफ्नो रहर नभएर बाध्यता भएको स्पष्ट पारे । उनले तोकिएको समयमै निर्वाचन हुने बताए ।

ओलीले पार्टी एकता, संविधान कार्यान्वयन र स्थायित्वका लागि पार्टीमा दाहाल र नेपाललाई दिएको बहुमतको दुरुपयोग भएको बताए । पार्टीभित्र दाहाल र नेपाल समूहसँग बहुमत छ भन्ने कुरा आफूलाई राम्रोसँग जानकारी भएको जिकिर गर्दै ओलीले भने, ‘त्यो संख्या एकता र यो देश बनाउनका लागि दिइएको थियो ।’

विघटित प्रतिनिधिसभा पुनस्र्थापना नहुने जिकिर गर्दै ओलीले निर्वाचन तयारीमा जुट्न नेता तथा कार्यकर्तालाई निर्देशन दिए । उनले अन्य पार्टीका नेताहरूलाई पनि निर्वाचन तयारीमा जुट्न आग्रह गर्दै प्रतिनिधिसभाको ६४ प्रतिशत बहुमतको सर्वसम्मत नेता आफू भएको र त्यस हिसाबले गरेको विघटन सिफारिस संविधानसम्मत रहेको तर्क गरे । बाँकी ३६ प्रतिशतले नयाँ सरकार बन्ने अवस्था नभएको उनले बताए ।

दाहालभन्दा नेपालप्रति बढी आक्रामक देखिएका ओलीले भने, ‘माधव नेपालजीबारे धेरै टिप्पणी गर्न चाहन्नँ, उहाँ प्रचण्ड (पुष्पकमल दाहाल) को मामुली कार्यकर्ता हो ।’

एकता जोगाउन दाहालसँग गरेका सहमतिले ब्रिफकेस नै भरिएको बताउँदै उनले भने, ‘तीन वर्षमा डोब साबुनका धेरै डल्ला खर्च भए, ड्रमका ड्रम पानी खत्तम भयो, उहाँलाई धुँदाधुँदा तर साबुन लायो, पखाल्यो, जस्ताको तस्तै । साबुन लायो, पखाल्यो, जस्ताको तस्तै । अन्तिममा देखिहाल्नुभयो ।’

यसैबीच प्रधानमन्त्री ओलीले दाहाललाई बुधबार टेलिफोन गरी उनकी पत्नी सीताको स्वास्थ्य अवस्थाबारे चासो राखेका छन् । दाहाल पत्नी सीता उपचारका लागि मेडिसीटी अस्पतालमा भर्ना भएकी छन् ।

साभार नागरिक दैनिक

13 Views

©bardiyanews.com

error: Content is protected By Bardiyanews!!
%d bloggers like this: