बर्दिया जिल्लाको ईलाका प्रहरी कार्यालय ढोढरीबाट २ जना थुनुवा फरार भएका छन् । आज विहान करिव साढे छ बजेतिर ईलाका प्रहरी कार्यालय ढोढरीको हिरासत कक्षबाट दुई जना थुनुवा फरार भएका हुन ।
फरार हुने थुनुवाहरु ज्यान मार्ने उद्दोगमा मुद्धा चलेका अजय नेपाली र राजा नेपाली रहेको जिल्ला प्रहरी कार्यालयले जनाएको छ । फरार दुई जना मध्ये अजय नेपालीलाई आज दिउँसो मधुवन नगरपालिका स्थित नेपाल भारत सिमाबाट पक्राउ गरिएको र राजा नेपाली अझै फरार भएकोले खोजी कार्य जारी रहेको जिल्ला प्रहरी कार्यालय बर्दियाका प्रहरी उपरीक्षक सुधिर राज शाहीले बताउनुभयो । प्रहरीको लापरवाहीका कारण थुनुवाले हिरासत कक्षको ताला खोली फरार भएको बुझिएको छ ।
