काठमाडाैँ – ब्रेन्टफोर्डसँग १-१ को बराबरी खेलेपछि म्यानचेस्टर युनाइटेडलाई आगामी सिजनको च्याम्पियन्स लिगको यात्रा निकै सकसपूर्ण हुने देखिएको छ ।
शनिबार भएको खेलमा दोस्रो हाफको इन्ज्युरी समयको छैटौँ मिनेटमा मेसन माउन्टले गोल गरे पनि ब्रेन्टफोर्टका लागि क्रिस्टोफर अजरेले दोस्रो हाफको इन्ज्युरी समयको नवौं मिनेटमा गोल गरेपछि बराबरीमा रोकिएको छ । यो नतिजाले युनाइटेडलको च्याम्पियन्स लिग सपनामा आघात पुगेको छ ।
युनाइटेड ४८ अंकमा छैटौं स्थानमा छ । एस्टन भिल्लाले भने उल्भ्सलाई २–० ले हराएर शीर्ष चारमा रह्यो । भिल्ला ५९ अंकमा चौथो स्थानमा छ । टोटनहम तीन अंकको दूरीमा पाँचौंमा छ ।
टोटनहम भने लुटन टाउनमाथि २–१ ले विजयी रह्यो । अन्य खेलमा बर्नमाउथले एभरटनलाई २–१ ले हरायो भने चेल्सीले बर्नलीसँग २–२, नटिङघम फरेस्टले क्रिस्टल प्यालेससँग १–१ र सेफिल्ड युनाइटेडले फुलहमसँग ३–३ को बराबरी खेल्यो ।
