गन्दर्व बस्तीमा दलित महिला संघको राहतः सरकारले रोजगारीको सिर्जना गर्नुपर्ने गन्दर्वको माग

बर्दिया, साउन १६, सबैका घर आंगनमा गई सारङ्गीको धुनमा गीत गाएर आनन्द प्रदान गरि दिनकाट्ने गन्दर्वहरुको बस्तीमा राहत पु्गेको छ । सरकारबाट पनि आफुलाई वेवास्ता गरेको महसुश गर्दै गन्दर्वहरु यति बेला कसैको आंगनमा गएर न त केही माग्न न त आफनो सारङ्गीको धुन मार्फत केही कमाउन नै । कोरोना भाइरस कोभिड १९ को संक्रमणबाट जोगीन सरकारले लकडाउन गरेपछि उनिहरुको अवस्था झन पीडादायी बन्दै गयो । पछिल्लो समय लकडाउन नभएपनि अरुको घर आंगनमा गई सहजै कार्यगर्न सक्ने अवस्था भने छैन । उनिहरुको दैनिकी कष्टकर बन्दै गएको उनिहरुको गुनासो छ । यस्तो परिस्थितीमा गन्दर्व बस्तीमा एक संस्थाले राहत पु¥याएको छ । दलित महिला संघ बर्दियाले सो बस्तीमा खाद्यय सामाग्री प्रदान गरि सहयोग गरेको छ । बर्दियाको बढैयाताल गाँउपालिका वडा नम्बर ४ मा रहेको गन्दर्व बस्तीमा राहत वितरण गरिएको हो । अति सिमान्तकृतिको रुपमा रहेका गन्दर्वहरुको अवस्था र व्यवस्थालाई मध्यनजर गरि राहत वितरण गरिएको संघकी अध्यक्ष हिमा सुनारले बताउनु भयो । बढैयाताल गाँउपालिका वडा नम्बर ४ का वडा अध्यक्ष कर्ण बहादुर थापाको रहोवरमा उक्त संस्थाले प्रति घरपरिवार ३० किलो चामल, ३ किलो दाल, डेढ लिटर खाने तेल, साबुन लगायतका समाग्री गन्दर्व बस्तीमा दिएको संस्थाले जनाएको छ । वडा अध्यक्ष थापाका अनुसार गन्दर्व बस्तिमा करिब ७० घरधुरी गन्दर्वहरुको बसोाबास छ । स्थानिय सरकारले लकडाउनको सुरुवातमै केही राहत दिए पनि पछिल्लो समय दैनिक खर्च चलाउन असहज भएको स्थानिय गन्दर्भहरुको भनाई छ । सरकार बाट पनि गन्दर्व समुदायको उत्थान तथा हरेक स्थानमा आफुहरुको पहुँच पु¥याउनका लागी सरकारको तर्फ बाट हाल सम्म दिर्घकालिन योजना आउन नसकेको उनिहरुको गुनासो छ । स्थानिय सरकार गाँउगाँउमा आएका भएपनि गन्दर्वहरुमा रहेको शिक्षा, स्वास्थ्य, लगायतका क्षेत्रमा सहयोग गर्न नसकेको उनिहरुले गुनासो गर्दै आएका छन । गन्दर्वहरुको समास्यालाई समाधान गर्न दिर्घकालिन योजनाका रुपमा रोजगारीको सिर्जना गरि शिक्षा, स्वास्थ्य क्षेत्रमा विशेष व्यवस्था गर्नु पर्ने स्थानिय बीरबहादुर गन्दर्वको माग रहेकाे छ ।