बारबर्दियामा ५ जनालाई स्यालले टोक्यो, स्थानियबासी त्रसित

बर्दियाको बारबर्दिया नगरपालीकाको वडा नम्बर ७ मा ५ जनालाई स्यालले टोकेको छ । उनीहरु घरमै रहेको अबस्थामा कोहीलाई नुहाउने क्रममा , कोहीलाई हात धुने क्रममा र कोहीलाई घाँस काटीरहेको समयमा स्यालले टोकेको वडा अध्यक्ष रामलाल थारुले जानकारी दिनु भयो । स्यालले टोक्दा बारबर्दिया ७ का सन्तराम थारु , बुधना थारु , राम बहादुर थारु , राज कुमार थारु र माया पुन मगर घाईते भएका छन । उनीहरुको अबस्था सामान्य रहेको उहाले जाकारी दिनु भयो । गत शनिबार ४ जनालाई स्यालले टोकेको र आईतबार साझ पनि थप एक जनालाई स्यालले टोकेको हो । स्यालले मानिस संगै २ ओटा बाख्रा र २ ओटा कुकुरलाई पनि टोकेको आफुले जानकारी पाएको बताउनु भयो । स्यालले टोकेका ब्यक्तिहरुलाई रेबिजको सुई लगाइन बारबर्दिया नगरपालीकाकाको स्वास्थ्य शाखा संग समन्व्य गरिराखेको वडा अध्यक्ष थारुले बताउनु भयो । गाउँमा नै आएर स्यालले टोक्न थालेछि स्थानीबासीमा त्रास छाएको छ ।