कुसुम्बा खानेपानी तथा सरसफाइ उपभोक्ता समितिको पाइप वडा अध्यक्ष सुनारले जबर्जस्ती लगेको आरोप

कुसुम्बा खानेपानी तथा सरसफाइ उपभोक्ता समिति मधुवनको हिम पाइप मधुवन नगरपालिका वडा नम्बर ६ का वडा अध्यक्ष भक्त  बहादुर सुनारले जबर्जस्ती लिएर गएको आरोप उपभोक्ता समितिका अध्यक्ष नर बहादुर खड्काले लगाएका छन् ।                                                                   खानेपानी उपभोक्ता समितिको लागि राखेको ३२ एम.एम. को हेम पाइप वडा अध्यक्ष सुनारले स्थानीय सरकारको आदेश हो भन्दै जबर्जस्ती पाइप उठाएर लगेको समितिका अध्यक्ष खड्काले आरोप लगाएका हुन् ।                                          उपभोक्ता समितिका अध्यक्षले समितिको लागि राखिएको पाइप यसरी दादागिरी रुपमा वडा अध्यक्ष सुनारले लगेपछि छलफल गर्न समितिका पदाधिकारी, नगरप्रमुख र अध्यक्ष सुनारलाई छलफलका लागि बोलाएता पनि वडा अध्यक्ष भक्त बहादुर सुनार छ्लफलमा उपस्थिति नभएको समितिका अध्यक्ष नर बहादुर खड्काले बताए । समितिका अध्यक्ष खडकाले यशभन्दा अगाडि पनि समितिको पाइप हराएको आरोप लगाएका छन् । र हराएका पाइप हरुको खोजी गरिदिन संचारकर्मीलाई आग्रह पनि गरेका छन् । सोही बिषयमा वडा अध्यक्ष सुनारलाई सोधपुछ गर्दा समितिका अध्यक्ष खड्कासङ्ग समन्वय गरेर आफुले पाइप लगेको बताएका छन् । यसरी जनताको स्वास्थ्यलाई मध्यनजर गर्दै खानेपानी लाइन बिस्तारको लागि राखिएको पाइप वडा अध्यक्ष सुनारले दादागिरी रुपमा आफनो वडा र आफ्ना नजिकका कार्यकर्ताका लागि बाड्नु कतिको जायज छ ? भन्दै यसको छानबिन हुनुपर्ने स्थानीयको माग रहेको छ।