बर्दियामा संक्रमितको संख्या १ सय ५५ मध्ये ४९ जना निको भई घर फर्किए

बर्दियामा हाल सम्म कोरोना संक्रमितको संख्या १५५ पुगेको छ । बर्दियाका आठ ओटै स्थानिय तहमा कोरोना संक्रमित फेला परेका छन । विभिन्न आइसोसनमा उपचारका क्रममा रहेका १५५ जना संक्रमति मध्ये मंगलबार सम्म उपचार गराइरहेका मध्ये ४९ जनाले कोरोनालाई जिती निको भई घर फर्कि सकेको स्वास्थ्य कार्यलय बर्दियाले जनाएको छ । स्वास्थ्य कार्यालयका अनुसार गुलरिया नगरपालिकाका १६ जना,मधुवनमा ५ जना, बासगढी नगरपालिकाका १५ जना, राजापुर नगरपालिकाका ८ जना, बढैयाताल गाउँपालिकाका ४ जना र बारबर्दियामा १ जना उपचार पछि निको भई घर फर्केका हुन । स्वास्थ्य कार्यालयका अनुसार हालसम्म बढैयाताल गाउँपालिकामा सबैभन्दा बढी संक्रमित देखिएका छन् । बढैयातालमा हालसम्म कोरोना संक्रमितको संख्या ४९ पुगेको छ । भने सबैभन्दा कम १ जना मात्र संक्रमित गेरुवा गाउँपालिकामा छन् ।