जिल्ला प्रहरी कार्यालय बर्दियाले बेवारीसे रुपमा थुपारी राखेको सालको गोलीया बरामद गरेको छ । बर्दियाको बढैयाताल गाउँपालीका वडा नम्बर १ को डाँफे १ सय ५ नम्बर चोकबाट जिल्ला प्रहरी कार्यालय बर्दियाबाट खटिएको प्रहरीको टोलीले सात थान सालको गोलीया फेला पारेको जिल्ला प्रहरी कार्यालय बर्दियाका सुचना अधिकारी एबम प्रहरी नायब उपरीक्षक योगेन्द्र कुमार खडकाले जानकारी दिनुभयो ।
फेला पारीएको सालको काठ १८.८८ क्यु फिटको रहेको उहाले बताउनुभयो । बरामद गरीएको सालको काठ आबश्यक कारबाहीको लागी जिल्ला बन कार्यालय गुलरीयामा पठाइएको प्रहरीले जनाएको छ । सिमामा प्रहरीले निगरानी बढाएपछि तस्करहरु बाटोमै सामान बेवारिसे फालेर भाग्ने गरेको प्रहरीको भनाई छ । बेवारिसे अवस्थामा रहेका सामान धमाधम बरामद गरेको प्रहरीले जनाएको छ ।
सीमामा प्रहरीको निगरानी उच्च पारिएपछि भारतबाट तस्करी गरि ल्याइएका सामान धमाधम बरामद हुन थालेका छन् । सिमावर्ती क्षेत्रमा तस्करहरुको सक्रियता बढेको भएपनि तस्करी गरि ल्याइएका अवैध सामान भित्राउन नपाएको प्रहरीले दावी गरेको छ । केही समय अघि मात्रै बाटोमा तस्करी गरि ल्याएर राखेको करिव ५५ क्यू फिट सालको गोलिया मधुवन नगरपालिकाको भारतीय सीमावर्ती गाउँ गंगाबस्तीबाट प्रहरीले बरामद गरेको थियो ।
