बर्दियामा बाढीमा परेकाको उद्धारका लागी प्रयोग गरिने मोटरबोटको सफल परिक्षण

बर्दियामा आज बाढीको समयमा उद्धारका लागी प्रयोग गरिने मोटरबोटको सफल परिक्षण गरिएको छ। विश्व खाद्य कार्यक्रमको सहयोगमा नेपाल रेडक्रस सोसाइटी जिल्ला शाखा तथा विपद् व्यवास्थापन समितीद्धारा गुलरिया नगरपालिका वडा नम्बर ४ स्थीत कोटही माता मन्दिर परिसरमा छेउमा रहेको पोखरीमा मोटर बोट संचालन सम्बन्धि प्रयोगात्मक सफल परिक्षण भएको हो । नेपाली सेना र शसस्त्र प्रहरीले मोटरबोट संचालन सम्बन्धि सफल परिक्षण पश्चात १ र १ वटा मोटर बोट हस्तान्तरण गरिएको छ । मोटर बोट हस्तान्तरणका क्रममा प्रमुख जिल्ला अधिकारी लिलाधर अधिकारीले विपद्को समयमा उक्र सामाग्री सहि सदुपयोग हुने विश्वास व्यक्त गर्नु भयो । बाढीका बेलामा उद्धारमा सहयोग हुने मोटरबोट विश्वखाद्य कार्यक्रम र यु के एडको सहयोगमा नेपालका बाढी प्रभावित ४ वटा जिल्लामा संचालन गरिएको जिल्ला संकट व्यावस्ठापन केन्द्र बर्दियाका रुपन ज्ञवलीले जानकारी दिनु भयो ।