बर्दियामा १ जना पत्रकार सहित २ सय २५ जनाले सहजै कोरोना जिते

बर्दियामा कोरोना भाइरस जित्नेको संख्या बढ्दो क्रममा छ । जिल्लामा हालसम्म पुष्टि भएका २ सय ६२ संक्रमित मध्य एक जना पत्रकार सहित २ सय २५ जना संक्रमितले कोरोना जितेका छन् । जिल्लामा २ सय १९ पुरुष र ४३ महिला गरी २ सय ६२ जना संक्रमित भएका छन् । जसमध्ये पुरुष १ सय ९१ जना र महिला ३४ जना गरी २ सय २५ जना संक्रमितले सहजै कोरोना जितेका हुन् । यी मध्य नेपाल पत्रकार महासंघका बर्दियाका पुर्ब अध्यक्ष एवं कान्तिपुरकर्मी कमल पन्थीले कोरोना जितेका हुन। बर्दियामा पुरुष २८ र महिला ९ गरी ३७ जना कोरोना संक्रमितको आइसोलेसनमा उपचार भइरहेको जनस्वास्थ्य कार्यालय बर्दियाका निरीक्षक कृष्णगोपाल चौधरीले बताए। हालसम्म संक्रमितमा कुनै लक्षण देखिएको छैन।भने कोरोनाका कारण कसैको मृत्यु भएको छैन । क्वारेन्टाइनमा आश्रय लिइरहेका एकजना आत्महत्या गरेका व्यक्तिको स्वाब परीक्षणका क्रममा भने कोरोना पोजिटिभ पाइएको थियो । बर्दियामा १३ हजार ४६ आरडीटी र ५ हजार २ सय ८१ पीसीआर गरी १८ हजार ३ सय २७ जनाको कोरोना परीक्षण भएको छ ।