४५ लाख बराबरको ३९५ बोरा दाँते ओख्खर र ५९ बोरा छुहारा बर्दिया प्रहरीद्वारा बरामद

बर्दिया प्रहरीले भारत तर्फ निकासी गर्न लागेको १५ वटा डल्लप सहित ३९५ बोरा दाँते ओख्खर र ५९ बोरा छुहारा नियन्त्रणमा लिएको छ ।

बिशेष सुचनाको आधारमा इलाका प्रहरी कार्यालय राजापुरका प्रहरी नायव उपरीक्षक मिन वहादुर घलेको कमाण्डमा खटिएको प्रहरी टोलीले शनिवार राती १२ वजे ४४ लाख ६९ हजारर ९ सय ९० रुपैया वरावरको १३ वटा डल्लपमा ३९५ बोरा दाँते ओख्खर र २ वटा डल्लपमा ५९ बोरा छुहारा बर्दियाको राजापुर नगर पालिका वडा नं. ७ बेलसा वाट नियन्त्रणमा लिएको हो ।

नियन्त्रणमा लिईएको ओखर र छुहारा इलाका प्रहरी कार्यालय राजापुर मा ल्याईसके पछि सामान आफ्नो भएको दावि गर्न आएका राजापुर न.पा.४ का.३२ वर्षिय जावेद मनिहार र ३० वर्षिय रमेश ढुङ्गानालाई नियन्त्रणमा लिईएको सामान सहित आवश्यक कार्वाहीकाे लागि राजापुर भन्सार कार्यालयमा वुझाईएको जिल्ला प्रहरी कार्यालयका प्रवक्ता प्रहरी उपरीक्षक योगेन्द्र खडकाले बताए ।