अटोरिक्सा चालक समिति बर्दियाको अध्यक्षमा रमेश

बर्दियान्यूज । अटोरिक्सा चालक समिति बर्दियाको जिल्ला अध्यक्ष पदमा रमेश कुमार गुप्ता (भुजुवा) चयन भएका छन् । शुक्रवार गुलरियामा आयोजित अटोरिक्सा चालकहरुको भेलाले अध्यक्षमा गुप्ता सहित १० जनाको कार्यसमिति र्निविरोध चयन गरेको हो ।
भेलाले उपाध्यक्षमा असलम पठान, सचिव बलराम लोनिया, सहसचिव चेतराम तमोली, कोषाध्यक्ष लल्लन चमार र सह कोषाध्यक्षमा नरेश कुमार थारु चयन गरेको नवर्निवाचित अध्यक्ष गुप्ताले बताए । उनका अनुसार सदस्यहरुमा हरिपाल लोनिया, चुन्नु बञ्जारा, रमेश लोध, रामनाथ थारु र्निविरोध चयन भएका हुन् ।
नेपाल ट्रेड युनियनका केन्द्रिय प्रतिनिधि जग्गा पाण्डेको प्रमुख आतिथ्यतामा समिति गठन भएको हो । जिल्लामा रहेका अटोरिक्सा ब्यवसायीको हकहित संरक्षण गर्दै अटोरिक्सा दररेटमा एकरुपता तथा सुलभ गराउने प्रतिवद्धता अध्यक्ष गुप्ताले ब्यक्त गरे ।