काठमाडौंमा ५६ जना सहित ३७८ जनामा कोरोना संक्रमण पुष्टि

पछिल्लो २४ घण्टामा काठमाडौंमा ५६ जना सहित ३ सय ७८ जनामा कोरोना भाइरसको संक्रमण पुष्टि भएको छ ।

शनिबारको नियमित प्रेस ब्रिफिङका स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले थप ३ सय ७८ जनामा संक्रमण पुष्टि भएको जानकारी दिएका हुन । जसमा काठमाडौंका ५६ जना,ललितपुरका ३ जना र भक्तपुरका ३ जना समेत रहेका छन् । योसँगै नेपालमा कोरोना संक्रमितको कुल संख्या २२ हजार ५ सय ९२ पुगेको छ । भने हालसम्म नेपालमा कोरोना भाइरसका कारण ७३ जनाको मृत्यु भएको छ।