२६ माघ २०८०, शुक्रबार

ताजा खबर

आफ्ना बूस्टर मात्राले ओमिक्रोनविरुद्ध प्रभावकारिता देखाएको फाइजरको भनाइ

   २३ मंसिर २०७८, बिहीबार १०:५५ प्रकाशित

फाइजर बायोएनटेकले कोभिडविरुद्ध उसले उत्पादन गरेका खोपको बूस्टर मात्राले ओमिक्रोन भेरिअन्ट विरुद्ध प्रभावकारी प्रतिरक्षा विकास गर्ने जनाएको छ।

अन्य भेरिअन्टविरुद्ध दुई मात्रा लगाउँदा विकास हुने एन्टिबडि अर्थात् रोग प्रतिरोधी क्षमता ओमिक्रोनविरुद्ध तीन मात्रा लगाउँदा प्राप्त हुने अमेरिकी खोप निर्माता कम्पनीले एउटा सानो अध्ययनपछि जनाएको छ।

यसअघि कोभिडविरुद्धका खोपहरू नयाँ भेरिअन्ट ओमिक्रोनबाट सङ्क्रमित भएकाहरूलाई गम्भीर अवस्थामा पुग्नबाट जोगाउन सक्षम रहेको विश्व स्वास्थ्य सङ्गठन डब्ल्यूएचओले जनाएको थियो।

विश्वभरका अध्ययनकर्ताहरूले ओमिक्रोनबारेका तथ्याङ्कलाई नजिकबाट नियालीरहेका छन्।

ओमिक्रोन हालसम्म फेला परेका कोभिडका प्रकारमध्ये सबैभन्दा बढी उत्परिवर्तित भेरिअन्ट हो।

फाइजरले थप के भन्यो?

फाइजर खोप

तस्बिर स्रोत, Reuters

बुधवार एउटा विज्ञप्ति सार्वजनिक गर्दै फाइजरका प्रमुख कार्यकारीले खोपको तेस्रो मात्राले ओमिक्रोनविरुद्ध सुरक्षा बढाउने जनाएका छन्।

तर उक्त कम्पनीले पछिल्लो नतिजा प्रारम्भिक रहेको बताउँदै ”वास्तविक प्रभावकारिता मूल्याङ्कन” गर्नका लागि तथ्याङ्क सङ्कलन जारी राख्ने बताएको छ।

फाइजरले ओमिक्रोनलक्षित खोप विकास गरिरहेको र त्यो एकसय दिनभित्र वितरण गर्नका लागि तयार हुने जनाएको छ।

उक्त खोप नियामक निकायहरूबाट स्वीकृत हुनुपर्छ।

श्राेतः बिबिसी नेपाली सेवा

163 Views
%d bloggers like this: